مصر24 - “ميس ” ابكت الجميع برحيلها

نبض الوطن 0 تعليق 21 ارسل لصديق نسخة للطباعة تبليغ

اخر الاخبار العربية اخر الاخبار المحلية اخر اخبار الرياضة منوعات صحة وطب

نبض الوطن :

انتقلت الى رحمة الله  تعالى صباح اليوم الطالبة في كلية المحاسبة ميس منصور تبلغ من العمر 20 عاما بعد صراع مع مرض سرطان الدماغ لفترة طويلة . وكانت المرحومة قد شاركة اصدقائها على صفحة التواصل الاجتماعي فيس بوك حالتها الصحية وتعاطف الجميع معها الذين تمنوا لها الشفاء من المرض وفجعوا برحيلها .

من صفحتها الشخصيه :

اسمي ميس منصور ٢٠ سنة ، بدرس محاسبة وكنت احلم بلمحاماة بس ما صار نصيب ،قبل فترة كان في ورم براسي ، كنت على طول اضل مصدعة وتعبانة ، كنت مخطوبة من شب وتركنا بعد ما اكتشفت المرض ، كنت اسكت وقت احس بلوجع وهاد الشي غلط .. قررت اعمل فحص بلاردن بدون ما حدا يعرف وكانت معي مرت اخوي ورحت مع. مرت اخوي وفحصنا وطلعت النتيجة انو معي سرطان بلدماغ ، ما بنكر انو قعدت ايام وليالي اعيط وابكي ، ما حدا كان معي بعمان غير اخوي ومرتو واخوي عرف وقتها ، طبعاً دورو كأخ ينصحني ويوعيني بس وقتها كنت مصدومة وخصوصاً انو الدكتور قلي متأخرة ، ما بعرف كيف اجتني القوة ، ما بحكي عن نفسي كغرور ، هيه وصف لقصتي بس مش اكتر ولا أقل ، فترتها كنت اعمل كل شي نفسي فيه قبل ما ياخدني الموت ، بعدها اكتشفت اني بقدر اكون اقوى من كل شي ، ورجعت عفلسطين وكنت بتعالج بلدوا بس وبدون ما حدا يعرف ، كان مخبأو تحت المخدة ، ومن طبع بابا انو يجي يقعد معي انا واختي بلغرفة ، تاني يوم من قعدتو تعبت شوي ودورت على الدوا ما لقيتو ما كنت بدي حدا يعرف ولا حتى اختي ، خفت لاني ازا ما لقيتو رح يعرفو اهلي كان عنا وحدة شغالة وسألتها وقالتلي ما شفت اشي واجا بابا بليل وقلي ميس بدي ياكي انا وقتها عرفت انو بابا شاف الدوا لأنو ربط الاحداث ساعدني اني اشك بلموضوع اخدني وكان وجهو اصفر سألني لمين الدوا وقعدت اقلو ما بعرف بس هوه عارف لشو علاجو وسأل بلصيدلية عنو ، وقتها اعترفتلو بكل شي واهلي عرفو قصتي عيطنا كتير بس هيني عم بتعالج بس ما اتخلصت منو انا عم بحارب عشان حلمي اني اكون اشي بلحياة عشان نفسي وعشان امي وابوي لانو ما حدا غيرهم بستحق اني اعيش معو ، انا ما كنت محجبة ، حسيت انو ربنا بعتللي هاد المرض اختبار لألي عشان اصحى من الغفلة اللي كنت عايشيتها عشان اتعلم اني ما اقطع صلاتي والبس قصير ، عشان اعرف قيمة الاشي لي انا بفقدو وبلنهاية انا اسمي محاربة انا مش مريضة انا اتعلمت كتير من حياتي انا عايشة ولسا بدي اعيش وانا ققوية عشان نفسي بس واخدت كيماوي ، صح فترة صعبة لأي بنت تفقد شعرها ، وعفكرة انا حلقت شعري بإيدي ، حسيت انها خطوة حلوة وجريئة ، طلعت كل غلي بشعري يلي مسكتو باقوى مقص وحلقتو بإيدي ولهلا شعري موجود عشان يضل ذكرى لألي واكتشفت انو جمال الانسان بجمال اخلاقو مش شكلو??

 

اقرأ آيضاً:  عصائر تساعد على تفتيت الحصي في الكلى

عزيزي الزائر لقد قرأت خبر مصر24 - “ميس ” ابكت الجميع برحيلها في موقع مصر 24 ولقد تم نشر الخبر من موقع نبض الوطن وتقع مسئولية صحة الخبر من عدمة علي عاتقهم ويمكنك مشاهدة مصدر الخبر الاصلي من الرابط التالي نبض الوطن

أخبار ذات صلة

0 تعليق