أخبار الفن: أحمد فلوكس يكشف سبب انفصاله عن هنا شيحة

العرب اليوم 0 تعليق ارسل طباعة تبليغ حذف

 أكد الفنان أحمد فلوكس، أنه يتمنى أن يرتبط بسيدة جميلة كانت زميلته في  المدرسة، متابعا "أنا بحب أهزر مع الناس على السوشيال ميديا علشان كده قولت الكلام ده على حسابى.. ولكن الرجالة محتاجة فلوس كتير علشان يتجوزوا .. لأن الراجل بيعمل كل حاجة، وأكتر حاجة بتضايقنى في  الجواز كلمة "بنشتري راجل" لأن الجملة ديه لو اتقالتلى هسيبها وهمشي .. جملة صعبة جدا".

وتابع فلوكس، من خلال برنامج برنامج "شيخ الحارة" على قناة القاهرة والناس، مع إيناس الدغيدى، "انا مادخلتش الفن عن طريق والدى بالعكس هو كان رافض .. انا دارس إعلام قسم تصوير.. وأبويا كان عاوزنى أشتغل في  البيزنس ..وبالفعل أنا دلوقتى فاتح شركة .. لأن الفن مابقاش هو اللى تربينا عليه .. وأكبر دليل على كلامي، أنى كنت بروح الجامعة بميكروباص .. يعنى تعبت في  البداية"

أضاف فلوكس "ماكنتش عاوز أطلق هنا شيحة لأن هنا جميلة جدا ومن الناس اللي قابلتهم ومايتعوضوش .. كانت بتحبني جدا .. وست بمليون راجل .. ولكن أنا كراجل صعب .. صعيدي حتى لو ماروحتش الصعيد طول عمري .. وعصبي جدا.. وفي  نفس الوقت هنا مايتفرطش فيها بسهولة بس هي اللي طلبت، وطبيعي اللي هتطلبه هنا هعملهولها لغاية ما أموت".

وعن الفيديو الذي كان يهاجم فيه الهارب، معتز مطر ، قال فلوكس، "أنا عمري ما هدخل حزب .. لكن وقت هجومي على هذا الشخص.. أي بني أدم طبيعي هيهاجمه.. لأنه بيقول ادعاءات .. وكان من واجبي أقول الكلام ده .. أنا شفت عساكر وظباط وصف كلهم ناس بتسيب بيوتهم  وبيروحوا معسكراتهم .. دول بيبنوا.. في  الوقت اللى في  ناس بتهد".

قد يهمك ايضـــًا :

تأجيل تسجيل مسلسل طلقني شكرا لـ أحمد فلوكس وهنا شيحة

أحمد فلوكس يستعد للزواج للمرة الثالثة ويؤكّد بأنه يحبها منذ الدراسة

هذا المحتوي ( أخبار الفن: أحمد فلوكس يكشف سبب انفصاله عن هنا شيحة ) منقول بواسطة محرك بحث مصر 24 وتم نقله كما هو من المصدر ( العرب اليوم )، ولا يعبر عن وجة نظر الموقع ولا سياسة التحرير وانما تقع مسئولية الخبر وصحته علي الناشر الاصلي وهو العرب اليوم.

أخبار ذات صلة

0 تعليق