دوت مصر: حوار| ريم الشاذلي: هذه قصة انضمامي لفريق شؤون اللاجئين بإيطاليا

دوت مصر 0 تعليق 16 ارسل لصديق نسخة للطباعة تبليغ

ريم الشاذلي، تخرجت في كلية إعلام جامعة القاهرة منذ أربع سنوات، عملت في مجال شئون اللاجئين ورشحها زميل لها لمؤسسة "ميديا بارت" لكي تعمل على مساعدة الأطفال اللاجئين أو الهاربين في هجرة غير شرعية من الدول الأفريقية إلى الدول الأوروبية، وبسبب هذا العمل رشحتها منظمة اليونسكو لتصبح ضمن فريقها لشؤون اللاجئين بإيطاليا، ثم بعد ذلك تم اختيارها كصحفية بمكتب الأمم المتحدة متخصصة في شئون اللاجئين.

"دوت مصر" أجرى حوارا مع ريم، لمعرفة قصتها.. وإلى نص الحوار:

لماذا اتجهتي للعمل في شؤون اللاجئين؟

أنا كنت بشتغل في المجال ده من الأول مع الأطفال اللي بيروحوا الي فرنسا بطرق او هجرة غير شرعية .. وصديق ليا هو من رشحني لهذا المكان وبعدين عملت اختبارات كتير معاهم حصلت علي الموافقة بالشغل في هذا المنصب.

- من شجعكِ؟

عائلتي كانت دائماً تقف بجانبي وتدعمني وخصوصا ابي رحمة الله علية كان متفهم وكان بيشجعني واصدقائي أيضا.

- هل كونك امرأة جعل هناك عقبات أمام عملك؟

في الصحافة كان بيقابلني عواقب، أما في العمل الإنساني لا مفيش أي عواقب .. ومن العواقب اللي كانت بتقابلني في الصحافة اني عربية ومسلمة وده بعد الفترة الأخيرة بعد الحوادث الإرهابية في فرنسا.

ما هو شعورك أثناء القيام بأعمال إنسانية؟

أجمل حاجه في الدنيا كلها، إنك تلاقي أي انسان محتاج مساعدة وتساعده مفيش أجمل من كدة.

هل قابلتك أي مشاكل في أوروبا خاصة بعد العمليات الإرهابية التي حدثت في فرنسا؟

أنا كنت معرضة طول الوقت اني اقابل مشاكل واقابل متعصبين سواء في المترو او في المواصلات او في الشارع في متعصيبن كتير وأبرزهم انهم يقولوا عليا إرهابية، لو كان الكلام ده بيقابلني في الشغل كنت بكلم رئيسي في الشغل، أما لو في الشارع مكنتش برد عليهم.

- ما هو شعورك بعد اختيارك كصحفية بمكتب الأمم المتحدة متخصصة في شئون اللاجئين ؟

سعيدة جداً وفخورة بعملي ومبسوطة بإننا معاهم لأنها مؤسسة كويسة وأسمها كبير وبتساعد الناس وده يكفي.

- هل لك عمل آخر؟

انا بشتغل من اربع سنين اول لما اتخرجت من كلية اعلام جامعة القاهرة في " ميديا بارت " ودي مؤسسة صحفية وبجانب ده كان في شغلي الصحفي كمان بس اخدت إجازة عشان شغلي هنا واخد كل وقتي.

- بماذا تنصحين الصحفيين وخصوصا الصحفيات لتشجعيهم علي العمل في هذا المجال ؟

انا بنصح الأهالي إنهم يتركوا بناتهن للعمل أولا ثم تشجيعهم علي العمل لا دي مشكلة بتقابل كثير من الصحفيات.

- ما هي الخطوة المقبلة في حياتك المهنية؟

بصراحة مفيش حاليا حاجه معينة ، بس أتمني انهم يكونوا مبسوطين مني ومن شغلي واكون موفقة معاهم إن شاء الله.

ما هو تعليقك على كلمة الرئيس عبدالفتاح السيسي في الأمم المتحدة عن اللاجئين؟

اكيد رائعة، كويس ان هو قال ده خارج مصر ان احنا عندنا لاجئين في مصر، ومفيش اهتمام بيهم لان المؤسسات الدولية زي الأمم المتحدة ميعرفوش ان في لاجئين في مصر ، وكويس انو عرفهم ان احنا عندنا مشاكل لاجئين بس احنا مش بنشتكي ولا بنطلب مبالغ وبلدنا مفتوحة ليهم، المشاكل الأساسية للاجئين هو عدم وجود هوية لهم، اما هما بيتأقلمو علي الوضع وبيعيشو معانا.

ماذا لو احتاجت مصر خدماتك في المستقبل القريب؟

اكيد طبعا أنا تحت أمر مصر في أي حاجة.

عزيزي الزائر لقد قرأت خبر دوت مصر: حوار| ريم الشاذلي: هذه قصة انضمامي لفريق شؤون اللاجئين بإيطاليا في موقع مصر 24 ولقد تم نشر الخبر من موقع دوت مصر وتقع مسئولية صحة الخبر من عدمة علي عاتقهم ويمكنك مشاهدة مصدر الخبر الاصلي من الرابط التالي دوت مصر

أخبار ذات صلة

0 تعليق