السياسة اليوم: نجلة طلعت زكريا تهاجم الفنانين بسبب ماهر عصام: ريحتكم وحشة

الموجز 0 تعليق ارسل طباعة تبليغ حذف

اليوم الجديد 

أعربت الفنانة الشابة إيمي، نجلة الفنان طلعت زكريا، عن استيائها من عدم مساندة الفنانين للراحل ماهر عصام وقت مرضه، وعدم حضور أغلبهم في عزائه أو وقت جنازته، مقتصرين فقط على النعي عبر صفحاتهم بمواقع التواصل الاجتماعي.

ونشرت إيمي، عبر صفحتها الشخصية بموقع التواصل الاجتماعي «فيسبوك» صورة من عزاء ماهر عصام، معلقة: «كلمة حق.. الشدة فعلا بتبين، موت ماهر عصام، أولًا الناس اللى بتكتب على الفيس، ماهر وحبيبي وعشرة عمري والجو ده، كان نفسي أشوفكوا مشرفين في العزا أو الجنازة اللي هي بتاعت ماهر، أصل مش كل الوسط في روسيا بيتفرج ع الماتش، ولا كل الوسط في الساحل الشمالي، للأسف أنا اتصدمت».

وأضافت: «ماهر كان بيقف مع كل الناس في الوحش قبل الحلو، ولما مات كام واحد بس اللي كانوا معاه هتكلم عنهم برضه بس كفاية بقا منظرة في أم الوسط الغدار ده، ريحتنا بقت وحشة دى حاجة، الحاجة التانية زي ما في ناس وحشة وقالت ماهر مات خلاص، زي ما في أشخاص في نفس الوسط ده فوق الأخوات والرجولة والجدعنة وهنيئا ليك بيهم يا ماهر».

وتابعت: «هتكلم عن الفنان الخلوق صاحب صاحبه محمد عبد الحافظ، لو اتكلمت عليك طول عمري مش هوافيك حقك ربنا يكرمك ويجازيك خير على كل حاجة عملتها لصاحبك وعشرة عمرك، أنا عارفة إنها كانت صعبة عليك بس إنت كنت قدها، تاني راجل المحترم د.أشرف زكي الذي لم يبخل بشيء على أي فنان في النقابة وموقفه مع ماهر لمثواه الأخير، وأيضًا الفنان أحمد صيام، والصديق المحترم الزميل حسن عيد، وماجد المصري، وهاني حسن الأسمر، غير كده كلهم شكليات، يابختك بالناس اللى بتحبك يا ماهر، في الجنة إن شاء الله يا نور عيني، كنت نعم الأخ والصاحب الجدع».

هذا المحتوي ( السياسة اليوم: نجلة طلعت زكريا تهاجم الفنانين بسبب ماهر عصام: ريحتكم وحشة ) منقول بواسطة محرك بحث الموقع وتم نقله كما هو من المصدر ( الموجز )، ولا يعبر عن وجة نظر الموقع ولا سياسة التحرير وانما تقع مسئولية الخبر وصحته علي الناشر الاصلي وهو الموجز.

أخبار ذات صلة

0 تعليق