منوعات هشام سليم بعد غياب عن الأضواء.. «قمعت بامية.. وباخد ملاليم من الفن»

التحرير الإخبـاري 0 تعليق ارسل طباعة تبليغ حذف
مصر اليوم حيث ملخص

هشام سليم حاصل على بكالوريوس سياحة وفنادق، لكنه لم يعمل به، مبررًا ذلك بقوله: «عمري ما حبيت حاجة أكتر من التمثيل»، لكنه غاب عن الساحة الفنية لسنوات لسبب غريب

بعد فترة غياب عاشها الفنان هشام سليم، لم يحرص خلالها على أي ظهور إعلامي، حل مساء الخميس، ضيفًا على الإعلامي أسامة كمال عبر نافذة برنامج «مساء دي أم سي» على قناة «دي أم سي»، ليكشف عن سبب ضعف مشاركته في الأعمال الدرامية والسينمائية خلال السنوات الماضية، واستراتيجيته للعودة إلى الساحة الفنية من جديد، مبديًا رأيه في الأوضاع الحالية التي تشهدها البلاد، ونظرته المستقبلية لمجال الفن في ظل النظام الحالي.

عدلت أسلوبي وبقيت أقول مقدمات حلوة

كشف الفنان هشام سليم، سبب ابتعاده عن الظهور في الأعمال الدرامية والسينمائية خلال السنوات التي مضت، متحدثًا: «أنا كنت مصاب بالإحباط، بس الحمد لله تخلصت منه بنسبة كبيرة خلال الفترة الحالية، أنا عدلت من أسلوبي وبقيت أقول مقدمات حلوة للشخص اللي قدامي قبل ما اتكلم أو أنقد عمل، الأول كنت بقول  مش هعمل ده عشان أنا مش بحبه، وبقفل الكلام على كده بدون ما أناقش اللي قدامي، ابتديت أفهم إن الناس التانية ليه طريقة معينة للتعامل معاها، الموضوع ده خد مني سنين عشان أقتنع بالطريقة ديه، وبعدين فيه حاجات بدأت أشعر منها إني هكون متواجد على الساحة الفترة اللي جاية بشكل كويس».

مشكلتنا في تنفيذ القانون

تحدث هشام، عن الظروف الحالية التي تعيشها مصر بشكل عام، قائلًا: «البلد مالهاش دخل (أموال)، مشكلتنا مش في البلد، مشكلتنا في الإنسان اللي عايش في هذا البلد، يعني مثلا أزمة المرور ممكن تتحسن لو كل واحد التزم بخط سيره.. أحنا خسرنا آدميتنا.. أحنا عندنا القوانين اللي تجيب حق أي حد بس معندناش اللي بينفذ».

السيسي عمل الصح

علق هشام سليم، على صراحة رئيس الجمهورية عبد الفتاح السيسي، في حديثه مع الشعب المصري، قائلًا: «أحنا مع الصراحة، بس للأسف أحنا اتعلمنا إن أول حاجة نعملها نقول لا، مش أنا اللي عملت خوفًا من النظام أو البوليس أو ماما أو المدرس وهكذا، ماينفعش نتحكم في عقل الناس من صغرهم لحد ما يتخرجوا ويشتغلوا، ما ينفعش مثل الطفل يشوف في المدرسة المدرس بيشتم ويضرب ولما يروح الجامعة الدكتور يقوله متقرأش حاجة من بره، ولو ماشتراش كتابه يسقط الطالب، فيه حاجات كتير لازم تتصلح».

وتابع: «مصر كانت في فترة من أجمل وأشيك وأغني بلاد العالم عكس دلوقت، وده مش غلطة البلد، ده غلطة اللي بيسمح إن ده يحصل».  

وأضاف هشام: «الناس اللي بتبني البلد، وأحنا متعودناش من الحاكم يطلب حقوق من الناس.. أحنا اتربينا على إن الحكومة هي اللي شايلة كل حاجة من تعليم وصحة وغيره، المفروض الناس تتحمل بقى شوية، يعني ممكن الواحد يخلف عيلين لكن العيل التالت يتحمل هو أعبائه.. أنا معنديش مانع إني أفقد شعبيتي عشان أقول حاجة صح لبلدي، الرئيس السيسي عمل الصح لصالح البلد وناس كتيرة أوي مش عاجبها اللي بيعملوا، فيه ناس معاه في اللي بيعمله بس عايزين يعرفوا هيستحملوا قد إيه، عايزين يعرفوا يحضروا نفسهم لإيه الفترة اللي جاية، عشان ما يفاجئوش بحاجات مش عاملين حسابها».

باخد ملاليم في الفن

تضامن سليم، مع الأطباء في أن راتبهم من القطاع الحكومي ضئيل جدًا ولا يتناسب مع حجم أعبائهم، لكنه انتقدهم في الوقت ذاته، قائلًا: «أنا باخد ملاليم مقارنة بناس تانية، بس ماينفعش أسيب شغلي وأقول إني باخد ملاليم، الدكتور مش بيشتغل عشان تعمل فلوس، أنت قسمت بمعالجة الناس، وبعدين أنت قبلت العمل ولازم تلتزم بيه».

وحكى عن فترة عمله في الفنادق بعد تخرجه من كلية سياحة وفنادق، بقوله: «اشتغلت في الفنادق فترة، في الأول اشتغلت في المطبخ، مسحت الأرضيات، وقمعت بامية، وبعدين سبتها عشان ما حستش فيها بنفسي».

التليفزيون المصري مش بيحبني

استكمل هشام سليم: «مش شايف نفسي في أي حاجة غير التمثيل، عمري ما حبيت حاجة أكتر من التمثيل، بحب جميع أدواري حتى الأدوار اللي ما حققتش نتيجة كويسة.. فيه ناس وموسسات مش بتحب هشام سليم زي التليفزيون المصري مثلا، اللي مفرحني أنه برغم الظروف اللي كانت ضدي الفترة اللي فاتت إلا أني ما زلت متواجد».

الفن هيرجع لأصله

عن نظرته المستقبلية لمجال الفن في مصر، بين هشام شليم: «النظام اللي الدولة وضعاه، هيخلي الفن يرجع لأصوله زي زمان، وده هيحصل كمان سنتين أو 3 سنين، وهيبقى فيه أعمال كاملة في أدينا قبل ما نصور العمل مش زي دلوقتي بيدونا عشر حلقات وبعد كده يدونا الباقي وأحنا بنصور، أساس الشغل هو الورق وما ينفعش منتج يدفع فلوس وهو مش معاه سيناريو كامل، بس المنتجين بيمشوا بالنظام كده عشان المصالح».

حسن حمدي سبب عدم تجديد عضويتي

كشف هشام سليم، سبب عدم تجديد عضويته في النادي الأهلي، مؤكدًا أن حسن حمدي رئيس مجلس إدارة القلعة الحمراء الأسبق، هو سبب عدم التجديد، ذلك بعد أن ذكر الفنان رأي والده الأسطورة صالح سليم، في رئيس النادي الحالي، محمود الخطيب، مضيفًا: «أبويا كان عنده النادي أهم من بيته، وما قولته هو رأيه، وكان لازم أقوله».

أرفض السجود في الملاعب

قال هشام سليم، إنه ينتقد «ظاهرة سجود وركوع اللاعبين داخل ملاعب كرة القدم شكرا لله، نظرا لأن الملعب يكون غير نظيف، بالإضافة للبصق وعرق ودم اللاعبيين».

وواصل: ِ«السجود لله يجب أن يكون الشخص متطهر، لأن النظافة من الإيمان»، ليرد عليه كمال، بقوله: «كل جافة طاهر»، ليعقب الضيف: «هل هو فعلا جاف، مش عارف بس ده رأيي».

اخلاء مسئولية: مضمون هذا الخبر تم نقله بواسطة تقنية محرك بحث الاخبار، وهو تم نشره بواسطة موقع (التحرير الإخبـاري ) ولا يعبر عن وجهة نظر مصر 24 وانما تم نقله بمحتواه كما هو من الرابط التالي التحرير الإخبـاري ونحن غير مسئولين عن محتوى الخبر، وتم ازالة كل الروابط الخارجية من الموضوع "منوعات هشام سليم بعد غياب عن الأضواء.. «قمعت بامية.. وباخد ملاليم من الفن»" والعهدة علي المصدر السابق ذكرة.

أخبار ذات صلة


0 تعليق