الارشيف / ثقافة وفن / مصراوى

مشاهير: غادة جميل مذيعة "سي بي سي سفرة" تخرج عن صمتها وتوجه رسالة حادة لمنتقدي "خلعها" الحجاب

  • 1/3
  • 2/3
  • 3/3

كتب – بهاء حجازي :

نشرت الإعلامية غادة جميل مذيعة سي بي سي سفرة بيانًا ترد فيه على منتقديها بشأن قرار خلع الحجاب الذي اتخذته منذ فترة.

وكتبت غادة "بصراحة موضوع التعليق على قلعي للحجاب بقي أوفر ومستفز وبوخ أوي، وبقالي شهور ساكتة ومش برد أصل الشتيمة مش بتلزق وزي ما كنا بنقول زمان وإحنا صغيرين الشتيمة بتلف تلف وترجع لصاحبها ولكن طالما انتوا على الصفحة بتاعتى سواء الإنستجرام أو الفيس بوك يبقى لازم نلتزم بشوية احترام من غير كلام خارج عن حدود الأدب"

وأضافت غادة "بحترم اللي زعلان عشان قلعت الحجاب لأننا كلنا عارفين إن الحجاب فرض ولازم على كل بنت مسلمة إنها تلتزم بيه وإني أتخلي عن دا لأسباب ترجعلي أنا بس ومتهيألي إنه موضوع بين العبد وربه ومحدش فيكوا هيتحاسب مكاني ولا حطلب من حد يسلفني حسناته يوم الحساب".

وأنهت غادة بيانها "فاللي مش عاجبها ولا عاجبه يا تدعى دعوة حلوة بظهر الغيب أو تلتزم الصمت لأن ربنا بس اللي عالم باللي جوه قلب كل واحد أنا مش فاهمة تحكموا على إيه ما كل واحد يخليه في حاله وفي الامتحان اللي ربنا مديهوله نركز شوية في نفسنا وفي الورقة بتاعتنا وبطلوا تبصوا في ورقتي عشان دي حياتي.

يُذكر أن غادة جميل تقدم برنامج "اتفضلوا عندنا" على قناة ي بي سي سفرة.

غادة جميل 2غادة جميل

هذا المحتوي ( مشاهير: غادة جميل مذيعة "سي بي سي سفرة" تخرج عن صمتها وتوجه رسالة حادة لمنتقدي "خلعها" الحجاب ) منقول بواسطة محرك بحث مصر 24 وتم نقله كما هو من المصدر ( مصراوى )، ولا يعبر عن وجة نظر الموقع ولا سياسة التحرير وانما تقع مسئولية الخبر وصحته علي الناشر الاصلي وهو مصراوى.

قد تقرأ أيضا